خبايا الجثث و اسرارها

الحلقة الأولي:

الطبيب الشرعي..:

واضح أن مفيش اي وسيلة نقدر نحدد بيها وقت الوفاه عن 

طريق درجة حرارة الجثة... طب نلجأ لإيه..!!؟؟ 

ايوه... العضلات.. طب ازاي..؟؟!!

 العضلات بتكون تقريبا مرتخية كلها ... و واحدة واحدة بتبتدي تتخشب.

و طبعا يا دكاترة انتو عارفين أن العضلات فيها نوعين من البروتينات.. Actin & miocin.

بيحصل بقي أن ال Actin & miocin يتحدوا مع بعض و يعملوا كدة حاجة اسمها Actin miocin complex.

الحاجة دي بتخلي العضلة تنقبض طبعاً 

و طبعاً في الحياه قبل الموت الجسم بينتج نوع من الطاقة بتحتاجة العضلات علشان تنبسط أسامة ATP

في حاله الموت التنفس طبعاً بيتوقف.. فا طبعاً مافيش اكسجين داخل للجسم فا بالتالي الجسم مش هايقدر ينتج هذه النوعية من الطاقة علشان العضلة تنبسط .

فا بيحصل ايه؟؟!!

بيحصل حاجة اسمها Rigor mortis 

دة ايه دة... دي حالة اسمها تيبس ما بعد الوفاة.

التيبس دة بيشتغل علي الجسم كلة.. بس يكتمل في أماكن معينة الأول..لأن طبعاً العضلات الي فيها صغيرة..

فا التيبس أو التخشب في العضلات دي و المعروف بال Rigor march.

يعني كمثال عضلات الوجة و عضلات الفك بيبان فيهم التخشب الأول بعد ساعتين تقريبا..بعدها يبدأ في الدراعات و الأيدين ... بعد كدة العضلات الكبيرة الي في اطرافنا السفلية بياخدو من ٦ الي ٨ ساعات..

يعني لو الطب الشرعي اشتغل علي جثة.. و لقي أن الوش بس هو الي متخشب..يقولك الوفاه دي حصلت من ساعتين..و هكذا..

و في الغالب الجسم بيكون اتخشب كلة في خلال ٢٤ ساعة.

بعد كدة حالة التيبس أو التخشب دي بتبتدي تختفي واحدة واحدة..لما بروتينات ال Actin و الMiocin تبتدئ تتحلل

بعد كدة التيبس أو التخشب بيبتدي يختفي بنفس الترتيب... الوش و بعد كدة الدراعات و بعد كدة الأطراف السفلية.

لحد ما التخشب دة يفك تماماً بعد تقريباً ٣٦ ساعة.

انتظرونا في الحلقة الثانية من ( خبايا الجثث و اسرارها )